كتبت هذه القصيدة الشعبية في اواخر التسعينيات من القرن الماضي ونشرتها في كتاب نسيم كارون” الثاني الصادر في المانيا عام2001
نمشي
کلچ أمل
کلچ خیر
الدنیه تنشف لو بچیتي
وتکبر وتشمخ لو حچیتي
انتِ اعیون اللمیع
انتِ اطیور الربیع
بالسما وبالگاع
انتِ
ولو مطرتي
ولو جريتي
تفرح الوديان والفتيان
واحنه نمشي
اويه الشطوط
اويه النخيل
اويه الشِلِب
نمشي ونفتح إذراع
للمزارع
للشطوط
وللگصُب
نمشي ونمشي ونمشي
ونِشتم من هوى التاريخ
ابونؤاس
ابن معتوگ
والگیم وابن هارون
ونشتم العبير الجاي من كارون
نشاهد خيل
وبقايا اسيوف
وجماجم ناس
من عسكر مكرم حتى عبادان
منقوش الحزن فيها
واجيوش الزنوج الوصلت البغداد
واسواگ الحويزة
ايفوح منها الهيل والريحان
نمشي ونمشي ونمشي
بالحناجر والخناجر
نحمي الگیعان والنهران
– الداستها بغايا الشر –
وابموسم العگید والنيسان
نِعدل ابيوت الشَعَر
البيه اللبن والزبد والگهوه
واهل الچفافي گاعده اویانه
ونلعب امحيبس
وانسولف سوالف سَمَر
حتى يگضي الليل
يگضي الليل
