يا گلُب چمدوب

يوسف عزيزي

چمدوب

 

يا گلب چمدوب

 

 

يصندوگ الحزن چمدوب

 

 

يعصفور البراري المنتشر بالنور

 

وين احبابك وربعك

 

 

چاوين السدر، وين العنب

 

وين النخل

 

اووين شبانك

 

هل تسأل عليهم

 

وين كل هذا الشعب مذبوب

 

چمدوب يا گلب چمدوب

 

خايب يا گلب چمدوب

 

انت يا ورد

 

يا ماي

 

يا دم ودمع وهموم

 

يكويرين وشطيط

 

ويا هوفل وحردان

 

وين رحتو

 

وين صرتو

 

وين ودركم زماني

 

ماسألتو

 

ما حچيتو

 

ماصرختو

 

حيفين والف يا حيف

 

يا گلبي الف يا حيف

 

ليش ماتنحب

 

ماتصرخ

 

على الراحو

 

على الجيين

 

على الشبان

 

والميتين

 

والعدلين

 

الف يا حيف

 

عل حنطة وعلى البيدر

 

على الروا

 

وعلى الميمر

 

حيفين والف يا حيف

 

على الموزر

 

على الگمره

 

وسوالفنه

 

ومناجلنه

 

ومضايفنا

 

وگعداتنه الخضرة

 

وغناوينه بهوى الطيبين

 

چمدوب يا گلب چمدوب

 

يگلبي شلون تركد

 

شلون تجعد

 

ليش ما تزحف

 

ماتمشي

 

كل وكت هايم

 

كل وكت مجنون

 

قطرة منك بشيراز

 

قطرة ابرامز وطهران

 

وقطرة ابرشت وخريسان

 

كل دهرك امشرد ليش

 

كل دهرك امعذّب ليش 

 

كل دهرك

 

عاشگ ومحروم

 

خضّر يا گلب خضّر

 

خضّر هم نخل هم زور

 

خرنوب وخمايل نور

 

خضّر يا گلب خضّر

 

خضّر هم عشگ هم نار

Arabic Modhif in Ahwaz

شيراز  23/1/1360 ش

نيسان 1981

 

جديد الموقع

جرائم لايمكن السكوت عنها


حول استقالة مستشار روحاني,مناظرة تلفزيونية


انا والفلاحية وحرب العصابات الثقافية


مقابلتي مع قناة اليوم حول اعدام مواطنيين بلوش في إيران


السياسة والعرق في إيران- ندوة


فيسبوك

تويتر

ألبوم الصور